Navagraha Stotra marathi नवग्रह स्तोत्र मराठी नवग्रह स्तोत्राची रचना व्यास मुनीनी केली आहे. नवग्रह स्तोत्रामध्ये एक बिज मंत्र आहे व दुसरा पौराणिक मंत्र आहे. बिज मंत्राचा जप कमीतकमी 11000 करावयास पाहिजे . जास्तीत जास्त तुम्ही कितीही करु शकता . सध्या असे बघण्यात येते कि जी पौराणिक मंत्राची जप संख्या आहे तीतकाच बिज मंत्राचा जप केला जातो. जसे बुधाचा जप 4000 आहे तर तो 4000 च केला जातो. बिज मंत्र हा छोटा असल्यामुळे तो कमीतकमी 11000 तरी केला पाहिजे. पौराणिक मंत्र मात्र हा त्याची जी जप संख्या , तेवढा करावयास पाहिजे. मंत्राचा जप हा कोणाकडून करुन घेण्यापेक्षा तो जर स्वता: केलातर जास्त फायदेशीर राहिल. ज्या कार्यामध्ये तुमचे मन नाही ते कार्य कसे सफल होईल. आजकाल तर जपाची फॅशन निघाली असे वाटते . ज्योतिषी सांगतात म्हणुन लोक तो करुन घेतात. नवग्रह स्तोत्राचा जप करणारा पुरोहित खरेच तो जप करतो कि नाही किंवा तो कोणता जप करतो बिज मंत्राचा जप करतो कि पौराणिक मंत्राचा हे सर्वानी जाणुन घ्यायला पाहिजे. काही पुरोहित प्रामाणिकपणे जप करतात. लोकाना असे वाटते कि जप केल्याने लगेच विवाह जमतो , पैसा मिळतो धंदा चांगला चालु लागतो , जपाचे संकल्प सोडुन तुम्ही निंवात घरात बसता तिकडे पुरोहित त्याच्या घरी जप करतो , ज्या कार्यात तुमचे मन नाही , ज्या कार्यात तुमचा सहभाग नाही ते कार्य कसे सफल होईल. शेवटी लोक ज्योतिषाकडे परत येतात तो परत दुसरा जप करायला लावतो. माझे असे मत आहे कि ,ठिक आहे एक वेळ जप करा , तरीही कार्य पु्र्ण झाले नाही तर देवाची भक्ती करा ,नामस्मरण करा . शेवटी जी गोष्ट ज्या वेळेस होणार आहे , त्याचवेळेस ती होईल झाडाचे फळ पिकल्याशिवाय खाली पडत नाही हे लक्षात ठेवा. मेहनत केल्याशिवाय व श्रध्दा ठेवल्याशिवाय फळ मिळत नाही .